نتمنى حدوث نزول بالعقار يمكن ربنا يفرجها علينا ونعوض خسارتنا في اشياء كثيرة حدثت خلال العامين الماضية
لكن المشكلة
ان كبار الشركات والمؤسسات وبعض المجموعات العقارية استحوذت على السوق
ونفس اللي يصير بالاسهم يصير بالعقار
يحركون العقار مثل مايبون
ويتحكمون بالعرض والطلب مثل مايبون
طبعا كلامي هذا من خلال علاقاتي بناس كثير من كبار ال**تثمرين
وماعندهم اي استعداد يبعون بسعر اقل
وعندهم استعداد يدفعون ضرائب اذا اعتمدت
وعندهم استعداد بالكامل يعملون مشاريع استثمارية بعقاراتهم
طبعا انا اتكلم عن قوة مالية لديهم تفوق تصوراتنا
ومشكلة باقي المواطنين انه حتى لو نزل العقار 60% مايقدرون يشترون شي
همهم الاول والاخير كيف ياكلون ويشربون ويسددون الايجار وديون البنوك وغيرها
انا اعتبر المواطنين هم شريان الاستثمار بالنسبة للعقار لكن هذا الشريان انتهى خلاص
الا اذا صارت معجزة وتسددت ديونهم من فوق وزادت الرواتب 50% وتسهلت شروط البنوك والتمويل
يعني باختصار شديد انا اتوقع لانزول بالعقار
خصوصا بوجود تجار كبار جدا
انا جلست مع احدهم ويقول لمدير اعماله اشتري لي عقارات ب 100 مليون وتكون باراضي خارج نطاق التطوير العمراني واتركها للزمن وهذا نموذج
وواحد ثاني يقول اشتروا لي عقارات جاهزة تكون عوائدها لاتقل عن 8% ومعاكم الى 500 مليون
وغيره كثير
يعني باختصار راح زمان الطقطقة